Plantun de Prouvènço

Pèr coumpara dos planto d'encò nostre

Vitis rupestris & Asplenium foreziense

Vitis rupestris

Vitaceae

Nom en français : Vigne des rochers.

Descripcioun :
La lambrusco-de-roucas èi la mai pichoto di vigno fèro que trachisson au nostre. Li fueio, souvènt jaunasso, alor que li cambo e pecou soun roujo, an di tres partido, mai gaire separado. Au contro de Vitis riparia, lou sinus èi gaire founs, o pèr lou mens pas "carra". Se n'en destrìo peréu qu'a ges de péu e nimai souto li fueio sus li costo. Fai de vediho courteto.

Usanço :
Li fueio soun vertuouso pèr la circulacioun dóu sang (cambo lourdo e moureno), soun peréu astringènto e diuretico.

Port : Liano
Taio : 1 à 2 m
Fueio : alterno
Tipe bioulougico : Faneroufite
Cicle bioulougico : Planto renadivo

Gènre : Vitis
Famiho : Vitaceae

Coulour de la flour : Verdo
Petalo : 8
Ø (o loungour) flour : 5 mm
Flourido : Printèms - Estiéu

Sòu : Ca
Autour basso e auto : 0 à 600 m
Aparado : Noun
Jun à juliet

Liò : Ermas - Roucaio - Ribiero
Estànci : Mesoumediterran à Coulinen
Couroulougi : Óurigino Americo-Nord
Ref. sc. : Vitis rupestris Scheele, 1848

Dauradeto(-dóu-Fourés)

Asplenium foreziense

Aspleniaceae

Nom en français : Asplénium du Forez.

Descripcioun :
La dauradeto-dóu-Fourés es uno planto raro au nostre que se vèi soulamen en Prouvènço séusouso e en ribo de la vallado dóu Rose. Èi proun proche de Asplenium fontanum e Asplenium obovatum que n'èi lou crousamen. Li foundo soun bèn verdo emé un countour en lanço coume Asplenium fontanum, e li pinulo un pau dentado coume Asplenium obovatum. Ramenten que Asplenium obovatum a la baso di peno que soun gaire mens longo que lis autro de dessubre, au contre di dos àutri dauradeto.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 5 à 20 cm
Fueio : foundo
Tipe bioulougico : Emicriptoufite
Cicle bioulougico : Planto renadivo

Gènre : Asplenium
Famiho : Aspleniaceae

Ordre : Polypodiales

Coulour de la flour : Ges de flour
Petalo : ges
Ø (o loungour) flour : Ges de flour
Flourido : Estiéu

Sòu : Si
Autour basso e auto : 200 à 1600 m
Aparado : Noun
Remarco : A. fontanum x A. obovatum
Juilet à setèmbre

Liò : Roucas
Estànci : Coulinen à Subremediterran
Couroulougi : Éuropenco-Sud
Ref. sc. : Asplenium foreziense Legrand, 1885

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Vitis rupestris & Asplenium foreziense

ges

Coumpara Lambrusco(-de-roucas) emé uno autro planto

Coumpara Dauradeto(-dóu-Fourés) emé uno autro planto